Ceapacháin mar Ghnáthbhaill ar Bhord Dhánlann Náisiúnta na hÉireann

UA Thagartha

7227

Roinn/Údarás Fostaithe

An tAire Cultúir, Cumarsáide agus Spóirt 

Suíomh Gréasáin na Roinne/an Údaráis Fostaithe

https://www.nationalgallery.ie/

Dáta Fógartha

14/07/2026
 

Contae

Baile Átha Cliath 

Iona(i)d

Baile Átha Cliath

Dáta Dúnta d'Iarratais

11/08/2026 15:00

Cineál róil

Státseirbhís

Eolas faoin Inrochtaineacht: Tá muid tiomanta do pholasaí comhdheiseanna agus cuireann muid fáilte roimh iarratais faoi na naoi bhforas san Acht um Chomhionannas Fostaíochta. Féach ar ár Ráiteas i dtaca le hInrochtaineacht

Achoimre ar an bpost

Tá an tAire Cultúir, Cumarsáide agus Spóirt ag lorg iarratas ó iarrthóirí a bhfuil na cáilíochtaí cuí acu chun dhá phost do Ghnáthbhaill a líonadh ar Bhord Dhánlann Náisiúnta na hÉireann.

Tionscadail Chaipitil

Riachtanach

Ní mór d’iarrthóirí a bhfuil sé i gceist acu iarratas a chur isteach fianaise ar thaithí, ag leibhéal sinsearach cuí, ar cheann amháin ar a laghad de na réimsí seo a leanas, a léiriú ina n-iarratas:

• Taithí ar thionscadal mór caipitil a sholáthar agus ar bhainistíocht tionscadail i gcóras pleanála na hÉireann;
• Saineolas ar dhá cheann ar a laghad de na céimeanna seo a leanas d'fhorbairt bonneagair: pleanáil agus dearadh; maoiniú tionscadail; soláthar; tógáil; agus/nó oibríochtaí agus cothabháil;
• Taithí i dtimpeallacht rialála casta a bhfuil páirtithe leasmhara éagsúla ann.

Inmhianaithe

Tá sé inmhianaithe chomh maith go léiríonn iarrthóirí go bhfuil taithí acu ar na réimsí seo a leanas:

• Eolas ar chleachtas agus ar phrionsabail na forbartha inbhuanaithe;
• Taithí phraiticiúil ar bhainistíocht riosca i dtionscadail chaipitil, seachas maoirseacht rialachais, lena n-áirítear rioscaí eagraíochta nó tionscadail chasta a bhainistiú;
• Maoirseacht straitéiseach ar mhórthionscadail chaipitil, lena n-áirítear athbheochan uirbeach, forbairtí cónaithe nó infreastruchtúir agus taithí ar chreataí soláthair na hearnála poiblí (lena n-áirítear An Cód Caiteachais Phoiblí / Treoracha Infreastruchtúir agus an Creat Bainistíochta Oibreacha Caipitil);
• Taithí shinsearach ar fhorbairt réadmhaoine, bainistíocht talún nó athbheochan uirbeach, lena n-áirítear inmharthanacht fhorbartha, céimniú, bainistíocht sócmhainní saolré agus cumarsáid le húdaráis phleanála agus reachtúla;
• Taithí shinsearach ar airgeadas, iniúchadh, bainistíocht riosca nó rialachas, lena n-áirítear maoirseacht ar fheidhmeanna iniúchta agus riosca, airgeadas caipitil nó forbartha, agus creataí smachta agus árachais airgeadais;
• Taithí shinsearach ar rialachas na hearnála poiblí agus ar chumarsáid le páirtithe leasmhara, lena n-áirítear tuiscint mhaith ar fhreagracht na gcomhlachtaí stáit, ar mhaoirseacht aire agus ar chomhoibriú le Ranna Rialtais agus le gníomhaireachtaí poiblí.

Daonchairdeas

Riachtanach

Ní mór d’iarrthóirí a bhfuil sé i gceist acu iarratas a chur isteach fianaise ar thaithí, ag leibhéal sinsearach cuí, ar cheann amháin ar a laghad de na réimsí seo a leanas, a léiriú ina n-iarratas:

• Daonchairdeas san earnáil chultúrtha, oideachais nó neamhbhrabúis i gcoitinne;
• Taithí ar chaidreamh le deontóirí, abhcóideacht agus cumarsáid tiomsaithe airgid;
• Straitéisí tiomsaithe airgid a fhorbairt, lena n-áirítear mórfheachtais síntiúis / chaipitiúla.

Inmhianaithe

Tá sé inmhianaithe chomh maith go léiríonn iarrthóirí go bhfuil taithí acu ar na réimsí seo a leanas:

• Taithí ar an daonchairdeas, lena n-áirítear tiomsú airgid idir piaraí, iarratais ar shíntiúis mhóra, iontaobhais agus fondúireachtaí, agus/nó líonraí deontóirí;
• Taithí mhaith, shoiléir ar straitéis tiomsaithe airgid (a bheith i gceannas ar mhórfheachtais chaipitiúla agus ar thiomsú airgid do thionscadail mhóra, mar shampla);
• Tuiscint ar cheannaireacht ar dheontóirí agus ar urraitheoirí, lena n-áirítear bainistíocht caidrimh agus rannpháirtíocht fadtéarmach;
• Eolas ar thimpeallacht daonchairdis na hÉireann, lena n-áirítear deontóirí a bhfuil glanfhiúchas ard orthu agus bronnadh corparáideach;
• Taithí ar shamhlacha ballraíochta, rannpháirtíocht le cuairteoirí agus caidreamh leis an diaspóra a thacú;
• A bheith in ann cur le hathbhreithnuithe straitéiseacha ar éagsúlú ioncaim agus ar shruthanna maoinithe státchiste.

Inmhianaithe - Ginearálta

• Eolas ar chúrsaí a bhaineann le Comhionannas, Éagsúlacht agus Cuimsiú, m.sh. éagsúlacht agus cuimsiú i seirbhísí poiblí a chur chun cinn, nó cláir agus/nó tionscadail a sholáthar ina gcuimhnítear, mar shampla, ar ghrúpaí ilchultúrtha, grúpaí mionlaigh, agus ar ghrúpaí atá faoi mhíbhuntáiste.
• Tuiscint ar na príomdhúshláin atá roimh na Dánlanna agus Institiúidí Cultúrtha Náisiúnta, agus ar an gcomhthéacs ina mbíonn siad ag obair;
• Spéis mhór i mbailiúchán ealaíne náisiúnta na hÉireann, agus/nó eolas air
• Suim i rannpháirtíocht sa phobal;
• Eolas ar an mbainistíocht riosca agus ar an gcomhlíonadh;
• Taithí roimhe seo ar cheannaireacht in institiúid chultúrtha nó ceann ábhartha eile, i dtimpeallacht ina a bhfuil buntáiste ag baint leis an taithí sin don Dánlann;
• Cumas sa Ghaeilge;
• Tuiscint fheasach ar an gcaoi ar féidir leis an intleacht shaorga tacú le nuálaíocht, rochtain agus ceannaireacht in institiúidí cultúrtha nó ealaíne ar bhealach freagrach;
• Eolas agus/nó taithí ar fheachtais ar na meáin shóisialta i dtaca le hInstitiúidí Cultúrtha/Ealaíne, a dtaispeántais agus/nó a dtionscadail.

Dáta Deiridh: 15:00 Dé Máirt an 11 Lúnasa 2026