Ceapacháin ghairmiúla (Teiripeoir Urlabhra agus Teanga, Oibrí Sóisialta agus Coslia) ar Bhord Clárúcháin na dTeiripeoirí Urlabhra agus Teanga, Bord Clárúcháin na nOibrithe Sóisialta agus Bord Clárúcháin na gCoslianna CORU

UA Thagartha

6514

Roinn/Údarás Fostaithe

An tAire Sláinte 

Suíomh Gréasáin na Roinne/an Údaráis Fostaithe

https://www.coru.ie/

Dáta Fógartha

23/06/2026
 

Contae

Baile Átha Cliath 

Iona(i)d

Baile Átha Cliath

Dáta Dúnta d'Iarratais

21/07/2026 15:00

Cineál róil

Státseirbhís

Eolas faoin Inrochtaineacht: Tá muid tiomanta do pholasaí comhdheiseanna agus cuireann muid fáilte roimh iarratais faoi na naoi bhforas san Acht um Chomhionannas Fostaíochta. Féach ar ár Ráiteas i dtaca le hInrochtaineacht

Achoimre ar an bpost

Cuirfidh an tAire Sláinte fáilte roimh iarratais ó iarrthóirí cláraithe a bhfuil na cáilíochtaí agus an taithí cuí acu le haghaidh na ngairmeacha seo a leanas:

(i)          teiripeoir urlabhra agus teanga atá i mbun cleachtadh na gairme le hiarratas a chur isteach ar an bhfolúntas atá le teacht ar Bhord Clárúcháin na dTeiripeoirí Urlabhra agus Teanga,

(ii)         Oibrithe Sóisialta atá i mbun bainistíocht sheirbhísí a sholáthraíonn an ghairm le hiarratas a chur isteach ar fholúntas atá le teacht ar Bhord Clárúcháin na nOibrithe Sóisialta, agus

(iii)        Coslianna atá i mbun bainistíocht sheirbhísí a sholáthraíonn an ghairm le hiarratas a chur isteach ar fholúntas atá le teacht ar Bhord Clárúcháin na gCoslianna

i ndiaidh toghcháin do na poist seo nach fuarthas aon ainmniúcháin dóibh.

Dírítear aird na n-iarrthóirí ar fhorálacha an Chóid Cleachtais chun Comhlachtaí Stáit a Rialú i dtaca le ról an bhaill boird, ina luaitear sa phrionsabal an méid seo a leanas: -

• Ní mór do bhord éifeachtach, atá freagrach as inbhuanaitheacht fhadtéarmach an chomhlachta, a bheith i gceannas ar gach comhlacht stáit.

• Ní mór do bhaill neamhfheidhmiúcháin den bhord breithiúnas neamhspleách a thabhairt ar shaincheisteanna a bhaineann le straitéis, le hacmhainní feidhmíochta, le ceapacháin thábhachtacha agus le caighdeán na hiompraíochta.

Tá eolas faoi ról na mball boird le fáil i gCuid 3 den Chód Cleachtais chun Comhlachtaí Stáit a Rialú, ar féidir teacht air anseo.

Ní mór d’iarrthóirí a léiriú go bhfuil taithí acu ar chóras cúraim sláinte na hÉireann agus ar cheann nó níos mó de na nithe seo a leanas:

• Rialachas corparáideach
• Bainistíocht riosca
• Bainistíocht athruithe
• Forbairt straitéise
• Eolas/taithí ar réimse na rialála
• Fianaise go bhfuil siad in ann a bheith ag obair le daoine eile agus comhaontú a chothú le réimse leathan páirtithe leasmhara.

Tá sé inmhianaithe freisin taithí a bheith ag iarrthóirí ar bheith mar bhall de Bhord.

Dáta Deiridh: 15:00 Dé Máirt an 21 Iúil 2026