Paiteolaí Stáit – Oifig an Phaiteolaí Stáit

Achoimre ar an bpost

Is é príomhghníomh Oifig an Phaiteolaí Stáit ná scrúduithe iarbháis a dhéanamh i gcásanna nuair a bhásaítear duine go tobann agus gan mhíniú, nó i gcásanna amhrasacha. Bíonn cuairt ar láthair na coire i gceist i thart ar 10% de chásanna. Sna cásanna seo, cuireann na paiteolaithe fóiréinseacha tuairisc iarbháis ar fáil don chróinéir ábhartha agus freastalaíonn siad ar an ionchoisne agus ar aon imeachtaí cúirte a tharlaíonn de thoradh aon fhiosrúchán ó na Gardaí (fórsa póilíneachta na hÉireann) chun a sainthuairim a thabhairt. 

Cur síos poist

Mar chuid dá ndualgais, tugann an Paiteolaí Stáit comhairle don Gharda Síochána maidir le ceisteanna a bhaineann le paiteolaíocht fhóiréinseach.  Iarrfar ar an gceapaí fianaise a thabhairt do na cúirteanna agus i bhfiosrúcháin, in ionchoisní agus in imscrúduithe maidir lena scrúduithe, a dtorthaí agus a dtátail.  Ina theannta sin, iarrfar ar an gceapaí a dtuairimí a chur in iúl mar Phaiteolaí Stáit maidir le gné ar bith a bhaineann le paiteolaíocht fhóiréinseach nó le haon cheist nó fadhb a bhaineann le paiteolaíocht fhóiréinseach a bhféadfadh teacht chun cinn.

Beidh ar an gceapaí ionadaíocht a dhéanamh don Phríomhphaiteolaí Stáit de réir mar a bhíonn gá leis.  Beidh na freagrachtaí seo a leanas i gceist: maoirseacht ar bhaill foirne, maoirseacht taighde/roghnach, ballraíocht de na coistí agus cumarsáid le páirtithe leasmhara.

Cuirtear fáilte roimh iarratais ó chleachtóirí leighis atá cláraithe ar Chlár Ginearálta/Sainchlár na gCleachtóirí Leighis nó atá i dteideal a bheith cláraithe agus a bhfuil na cáilíochtaí riachtanacha ar leith sa bhreis acu mar a shonraítear sa Leabhrán Eolais don fheachtas seo.

Chomh maith leis sin, ní mór don té sa phost na rudaí seo a leanas a bheith acu:

• Eolas ar leith ar Phaiteolaíocht Fhóiréinseach, lena n-áirítear taithí histeapaiteolaíochta a bhfuil fianaise léi.
• Taithí phraiticiúil ar néarapaiteolaíocht agus ar phaiteolaíocht phéidiatrach/imbhreithe mar a bhaineann sé le paiteolaíocht fhóiréinseach.
• Taithí ar fhianaise a chur i láthair i gcúirt ar bhealach proifisiúnta agus neamhchlaonta.
• An cumas scrúduithe iarbháis a dhéanamh ar ardchaighdeán agus de réir treoracha náisiúnta agus idirnáisiúnta chun tuairiscí dlí-liachta atá cruinn ó thaobh na heolaíochta de, agus atá cuimsitheach agus inléite.
• An cumas eolas leighis a chur in iúl do ghnáthdhaoine agus chun múinteoireacht a dhéanamh go hoilte ag leibhéal fochéime agus iarchéime araon.

Eolas faoin eagraíocht

Bunaíodh Oifig an Phaiteolaí Stáit in 1975 agus is gníomhaireacht é atá faoi choimirce na Roinne Dlí agus Cirt, Gnóthaí Baile agus Imirce. Tugann an Oifig sainchomhairle neamhspleách maidir le gach gné a bhaineann le paiteolaíocht fhóiréinseach agus cuireann sí seirbhís ar fáil gach lá den seachtain ar feadh 24 uair an chloig ó cheann ceann na bliana ar fud na tíre i bPoblacht na hÉireann.

Tá an Oifig an Phaiteolaí Stáit lonnaithe i bhfoirgneamh nua-aimseartha a bhfuil acmhainní cearta curtha ar fáil dó, agus tá sé suite 10 nóiméad ó lárionad chathair Bhaile Átha Cliath ar Ascaill Uí Ghríofa.

Sonraí an Phróisis Roghnúcháin

Post a bhaineann leis an gCoimisiún um Cheapacháin Ardleibhéil  atá i gceist.

Tá poistphoiblí ag plé le Perrett Laver chun cabhrú leis an bpróiseas earcaíochta seo.

Tá tuilleadh eolais faoin deis shuntasach seo, lena n-áirítear sonraí maidir le conas iarratas a dhéanamh, ar fáil ar www.publicjobs.ie

Is é 3i.n. ar an Déardaoin 19 Márta 2026 an dáta deireanach ar a nglacfar le hiarratais chomhlíonta.

Má cheapann tú go mbeadh sé úsáideach duit plé rúnda a dhéanamh le duine faoin ról seo, téigh i dteagmháil le Michelle Noone ag michelle.noone@publicjobs.ie 

Táimid tiomanta do dheiseanna comhionannais agus cuirimid fáilte roimh iarratais faoi na naoi bhforas san Acht um Chomhionannas Fostaíochta.