Príomhoifigeach Faisnéise, An nGarda Síochána

Achoimre ar an bpost

Beidh tuiscint ag an bPríomhoifigeach Faisnéise ar luach na sonraí mar acmhainn san eagraíocht agus beidh sé de chumas acu bainistíocht a dhéanamh ar fheidhmeanna sonraí a bhaineann le rialachas, le hanailísíocht, le caighdeáin agus le slándáil. 

Oibreoidh siad leis an bhfoireann Cheannaireachta Sonraí agus Teicneolaíochta chun an eagraíocht agus córais oibríochta a mhúnlú chun go dtagann an fheidhm le dea-chleachtas agus teicnící nua-aoiseach.

Déanfaidh an ceapaí maoirseacht ar bhuiséad mór caiptil agus oibríochta agus ní mór dóibh dea-rialachas, comhlíonadh le beartas rialtais agus úsáid chuí agus éifeachtach airgid phoiblí a léiriú. 

Oibreoidh siad lena gcomhghleacaithe póilíneachta chun tuiscint a fháil ar na riachtanais atá agus a bheidh ag an eagraíocht agus léireoidh siad go bhfuil siad sásta tuiscint dhomhain a fháil ar an eagraíocht agus ar fheidhmeanna póilíneachta.

Cur síos poist

Beidh tuiscint ag an gceapaí ar fhorbairtí teicneolaíochta a úsáid, lena n-áirítear forbairtí  a bhaineann le cur isteach digiteach, Intleacht Shaorga, Anailísíocht Sonraí, forbairtí néil agus Cibearshlándáil.   Beidh tuiscint acu chomh maith ar na dúshláin agus na deiseanna a bhaineann le teicneolaíochtaí oidhreachta agus traidisiúnta agus ar na riachtanais a bhaineann le hacmhainneacht agus seasmhacht ghnó a chothabháil.

Tá liosta iomlán de dhualgais an phoist ar fáil i Leabhrán Eolais an Iarrthóra.

Eolas faoin eagraíocht

Is é an Garda Síochána seirbhís náisiúnta phóilíneachta agus slándála na hÉireann, ina bhfuil thart ar 14,200 Ball den Gharda Síochána agus 3,700 Ball Foirne de chuid an Gharda Síochána.   Is eagraíocht é an Garda Síochána a bhíonn dírithe ar an bpobal agus tá sé mar aidhm aige ‘Daoine a Choinneáil Slán’.   Tá ról agus freagracht dhéach ag an eagraíocht maidir le seirbhísí póilíneachta a chur ar fáil, agus slándáil an Stáit a chosanta, agus tá an Garda Síochána tiomanta seirbhís fhreagrúil, éifeachtach agus éifeachtúil a chur ar fáil, a fhreastalaíonn ar riachtanais ár bpobal.

Le déanaí, chuir an Garda Síochána clár athchóirithe eagraíochta suntasach i bhfeidhm, i gcomhthéacs “Seirbhís Phóilíneachta dár dTodhchaí”.   Tá athruithe leathana eile á gcur i bhfeidhm chomh maith, lena n-áirítear; an leas is fearr a bhaint as an gCóras Oibríochta Rannóige agus cur i bhfeidhm an Achta Póilíneachta, Slándála agus Sábháilteachta Pobail (2024).  Tá foráil san Acht maidir le ról an Choimisinéara mar Phríomhfheidhmeannach na heagraíochta, agus neartaíonn an fhoráil sin an rialachas agus an chuntasacht, cuireann sí rialacháin nua i bhfeidhm agus tacaíonn sí le beartas, mar aon le córas fostaíochta nua do Bhaill Foirne de chuid an Gharda Síochána.  

Sochair

Féach an Leabhrán Eolais

Sonraí an Phróisis Roghnúcháin

Is é 3i.n. ar an Déardaoin 4 Meán Fómhair 2025 an dáta deireanach ar a nglacfar le hiarratais chomhlíonta.

Is féidir gach ceist faoin bhfeachtas a sheoladh chuig seniorexec@publicjobs.ie 

Táimid tiomanta do dheiseanna comhionannais agus cuirimid fáilte roimh iarratais faoi na naoi bhforas san Acht um Chomhionannas Fostaíochta.