9241
An Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin
https://www.gov.ie/en/department-of-public-expenditure-infrastructure-public-service-reform-and-digitalisation/
Lánaimseartha
02/10/2026
Baile Átha Cliath
29/10/2026 15:00
Buan
Státseirbhís
Eolas faoin Inrochtaineacht: Tá muid tiomanta do pholasaí comhdheiseanna agus cuireann muid fáilte roimh iarratais faoi na naoi bhforas san Acht um Chomhionannas Fostaíochta. Féach ar ár Ráiteas i dtaca le hInrochtaineacht
Tabhair faoi deara: ní féidir leat an teanga a roghnaíonn tú agus tús á chur agat le d’iarratas a athrú tar éis duit cliceáil ar an gcnaipe “Déan Iarratas”. Má tá d’iarratais i mBéarla, beidh do chomhfhreagras i mBéarla.
Chun d’iarratas a chur isteach i nGaeilge agus comhfhreagras a fháil trí Ghaeilge, cinntigh go bhfuil tú ar an leagan Gaeilge dár suíomh gréasáin, www.publicjobs.ie/ga, sula dtéann tú chuig an bhfolúntas ar mhaith leat cur isteach air, agus cliceáil ar “Déan Iarratas” chun iarratas a chur isteach.
Tá Rannóg Sláinte Ceirde na Státseirbhíse ag lorg Lia Sláinte Ceirde díograiseach chun dul isteach ina bhfoireann fuinniúil agus cairdiúil. Tá a lán buntáistí ag baint leis an ról lena n-áirítear go leor tacaíochtaí chun Foghlaim agus Forbairt a dhéanamh le pá, saoire chun na riachtanais a bhaineann leis an ról maidir le hOideachas Leanúnach Leighis atá creidiúnaithe go seachtrach a chomhlíonadh. Tá buntáistí eile a bhaineann leis an ról, mar shampla, rochtain ar na scéimeanna seo a leanas; an scéim pinsin don earnail phoiblí, an scéim um rothaíocht chun na hoibre agus cothromaíocht oibre is saoil .
Beidh an t-iarrthóir a cheapfar lonnaithe inár n-ionad Sláinte Ceirde nua-aimseartha saintógtha i Margadh na Feirme, Cathair Bhaile Átha Cliath. Tá naisc iompair den scoth le fáil chun teacht go dtí an t-ionad.
Tabharfaidh an ról buan seo deis iontach do ghairmí cumasach, a bhfuil na scileanna agus an taithí ábhartha acu ról lárnach a ghlacadh le seirbhís sláinte ceirde forásach a chur ar fáil, seirbhís a thacaíonn le státseirbhísigh, oifigigh phríosúin, agus fostaithe tionsclaíocha agus cosanta an stáit.
Féach ar Leabhrán Eolais an Iarrthóra chun na sonraí uilig faoin ról a fháil, lena n-áirítear riachtanais cháilitheachta ar leith. Má cheapann tú go mbainfeá leas as comhrá rúnda faoi ghné ar bith den deis shuntasach seo, téigh i dteagmháil leis an Dochtúir Tom Donnelly DCMO, trí mheán an rphoist ag DrTomDonnelly@cmo.gov.ie nó ar an uimhir ghutháin seo 01-6045341. Ba chóir go mbeadh a fhios ag iarrthóirí go ndícháileofar iad de bharr canbhasála.
Ní ghlacfar le hiarratais tar éis an dáta dúnta.
Is sainaonad gnó sa Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin í an Rannóg Sláinte Ceirde. Tá créidiúnú ag an Rannóg Sláinte Ceirde ó Safe Effective Quality Occupational Health Service (SEQOHS), an caighdeán cáilíochta idirnáisiúnta saSláinte Cheirde.
Foireann de ghairmithe sláinte tiomanta agus foireann riaracháin tiomanta atá sa Rannóg Sláinte Ceirde. Cuireann an Rannóg seirbhísí sláinte ceirde ar fáil do thart ar 53,000 státseirbhísigh i 56 Roinn agus Oifig Rialtais, lena n-áiritear fostaithe i Seirbhís Phríosúin na hÉireann agus fostaithe ar leith eile san earnáil phoiblí.
Níl an folúntas seo ag glacadh le hiarratais.